GENERAL SANTOS CITY – Galaum si Dr. April Mae Maquilang, vaccination program coordinator sa City Health Office (CHO) nga sa sunod nga mga adlaw makadawat ang syudad og Astrazeneca vaccines.
Matud pa kang Dr. Maquilang nga kini gumikan sa ikatulong semana sa bulan sa Hulyo ang bakuna alang sa second dose.
Kini human nabakunahan kaniadtong nakalabay nga bulan.
Kahibaluan nga kapin sa duha ka million ka astrazeneca vaccines gikan sa COVAX facility ang miabot sa nakalabay nga mga adlaw gawas pa sa usa ka million nga donasyon gikan sa Japan.
Gikadugang pa niini nga hangtud karon wala pay go signal ang Department of Health kanila nga sugdan na ang pagbakuna sa mga A4 o mga economic frontliners.
Samtang personal nga giadtuan sa mga vaccinators ang home for the aged sa syudad aron nga bakunahan.
Ang apila sa CHO sa mga wala pa nabakunahan nga maghulat sa schedule gumikan kulang pa ang mga miabot nga mga bakuna.
Sa paglakip sa syudad sa NCR plus 10 gilauman nga mas daghang bakuna ang madawat.
