GENERAL SANTOS CITY – Matapos na ning adlawa ang gipahigayong 2020 SOCCKSARGEN Regional Athletic Association o SRAA Meet 2020 nga gipahigayon sa nagkadaiyang playing venues ning dakbayan.
Gilauman nga madepensahan sa GenSan Division ang kampeonato kini tungod nanguna sa partial and unofficial medal tally nga may nasungkit nga 259 ka medalya kung asa mukabat sa 116 ang gold medals, 74 silvers, og 69 bronze.
Nagsunod sa GenSan ang South Cotabato nga may 55 golds, ikatulo ang Cotabato Province nga may 33 golds; ikaupat ang Tacurong City nga may 28 gold medals: ikalima ang Koronadal nga 22 gold medals; ikaunom ang Kidapawan nga may 21 gold medals; ikapito ang Sarangani Province nga may 12 ka gold medals; ikawalo ang Cotabato City nga may lima ka gold medals samtang upat ka gold medals ang nasungkit sa Sultan Kudarat Division nga nagbutang kanila sa ikasiyam og ulahing pwesto sa emdal tally sa SRAA Meet 2020.
Matud pa ni DepEd 12 spokesperson Anton Maganto nga lauman ang simpleng culmination program kung asa ipahigayon ang general awarding.
