GENERAL SANTOS CITY – Gikumpirma ni Atty. Remegio Rojas nga nakadawat sila og sulat gikan kang PNP 12 Regional Director B/Gen. Micheal John Dubria nga nagkanayon nga nagmando na sa hugot nga imbestigasyon kalabutan sa pagkawala ni Patrolwoman Kristine Joy Rojas gumikan sa isyu sa pulis paluwagan movement (PPM).
Gatuo ang pamilya Rojas nga pinaagi sa pagdumala ni Gen. Dubria masulbad na ang kaso.
Hinoon gatuo ang pamilyang Rojas nga wala na ang maong pulis base sa ilang mga nadawat nga mga impormasyon.
Gibutyag nga si Rojas nga na-missing human nga nabulabog na ang PPM nga usa ka investment scam nga gipaluyohan sa ubang mga opisyal sa police.
Si Roxas ang driver matud sa mga nalambigit sa PPM nga maoy may kahibalo sa kalikohan.
Nanghinaut si Atty. Rojas nga unta makit-an na ang patayng lawas sa iyang pag-umangkon.
Ang pamilyang Rojas ang padayon nga gasinggit og hustisya sa nahitabo sa nasampit nga pulis.
Matud pa niini nga oras nga dili magkooperar ang mga imbestigahan ilang ipadangat sa senado ang maong isyu .
