Niabot sa P10 milyones ang reward nga gitanyag alang sa impormasyon sa nahimutangan sa giingong kaubang mastermind sa kasong pagpatay sa negusyante nga si Anson Que ug sa iyang drayber.
Ang tigpamaba sa PNP nga si Police Brigadier General Jean Fajardo miila sa nahisgutang co-mastermind nga si Wenli Gong, usa ka Chinese national nga nailhan usab sa ubang mga pangalan nga Kelly Tan Lim, Bao Wenli, Axin, ug Huang Yanling.
Kon kahinumdoman, unang gianunsyo sa PNP ang P5M nga reward money.
Naila na usab sa PNP ang kinatibuk-ang lima ka mga suspek sa kasong pagpatay.
Tulo niini anaa sa ilang kustodiya nga sila si David Tan Liao, Richardo Austria, ug Reymart Catequista.
Gipangita pa sa mga otoridad si Jonin Lin, alyas Kelly.
Sila si Kelly ug Lin giingong kaubang mastermind sa pagpatay kang Que ug sa iyang drayber samtang ang nahibiling tulo kakunsabo.
