Biyaheng Dubai si First Lady Liza Araneta Marcos sa Pebrero 11 hangtud 13, nga morepresentar sa Pilipinas sa World Governments Summit.
Ang summit usa ka global nga sumbanan aron sa pagpalambo sa trabaho sa gobyerno ug pagpalambo sa mga estratehiya nga makapalig-on sa internasyonal nga kooperasyon ug makaila sa mga bag-ong solusyon sa umaabot nga mga hagit.
Sa iyang post sa social media, gipaambit ni FL Liza ang iyang mga pagpangandam alang sa summit ug miingon nga siya naghinamhinam nga magrepresentar sa nasud.
Matud ni Ginang Marcos, ang ilang giandam naglakip sa pipila ka memorandum of understanding lakip na ang pag-uswag sa Comprehensive Economic Partnership Agreement (CEPA) aron mapalambo ang kauswagan sa duha ka nasud.
Samtang, ang Presidential Communications Office (PCO) niingon nga dili makatambong sa summit si Presidente Ferdinand Marcos Jr. ug ang First Lady na lang ang moadto sa Dubai.
Labaw sa 6,000 ka mga representante sa 80 ka mga nasud ang gilauman nga moapil sa summit ug kini adunay labaw pa sa 110 nga mga interactive session ug workshop.
