Gibutyag ni kanhi Cebu City Mayor Tommy Osmeña sa Quad Committee nga si Ex- Cebu City Police Chief ug Ex-PCSO General Manager nga si Royina Garma nakadawat og sinemana nga payola nga anaa sa P1 million sa dihang siya pa ang hepe sa PNP Criminal Investigation and Detection Group sa Davao City.
Ang pamahayag ni Osmeña atol sa Quad Comm hearing kagahapong adlawa nga nag-imbestigar sa POGO, EJK, illegal drugs ug human trafficking.
Giklaro ni Osmeña nga wala siya makaila kang Garma human namayag ang kanhing opisyal nga personal ang ilang dili pagsinabtanay.
Gihatagan ni Osmeña og gibug-aton ang iyahang pagsupak sa pagdestino kang Garma sa Sugbo human niya mahibaw-i nga nagdawatan kini og payola nga nagkantidad og P1 milyon butang nga dili niya madawat sa Cebu City.
Giklaro usab sa kanhing Mayor, nga dili lang hinigugma ni Garma si SPO4 Art Solis tungod kay gidala usab niya kini dihang nadestino kini sa PCSO.
Ang maong indibidwal maoy nitug-an sa mayor nga si Garma madestino sa PCSO.
Gipasalamatan ni Osmeña ang Quad Comm sa paghatag ug kahigayonan nga makapakita ug makahatag ug impormasyon.
Sa interbyu kang Osmenia, iyang gitawag si Garma nga delikado.
Kasamtangang gitanggong si Garma sa detention facility sa Kamara tungod sa contempt nga gipahamtang kaniya.
Sa pakighinabi ni Osmeña nagkanayon kini, nga mas delikado si Garma kay sa kang Pork barrel Queen Janet Napoles.
