Eumir Marcial emosyonal sa pagkapildi sa away sa mas batan-ong Uzbek boxer

Napakyas si Pinoy boxer Eumir Marcial sa men’s 80 kgs. sa nagpadayong Paris Olympics.

Nakuha sa nakalaban niining si Turabek Khabibullaev gikan sa Uzbekistan ang unanimous decision.

Sa unang round pa lamang gigamit sa Uzbekistan boxer ang iyang tas nga height og kataas sa kamot aron makuha ang score gikan sa lima ka mga judges.

Gipugos sa 28-anyos nga si Marcial nga makagukod apan nahimong idlas og paspas ang paglikay sa 20-anyos nga Uzbekistan boxer.

Human ang away gipasalamatan sa Pinoy boxer ang mga misuporta kaniya og nangayo og nangayo na lamang kini og pasensiya tungod sa iyang pagkapildi.

Emosyonal usab kini tungod gipadaplin una niini ang iyang professional boxing career aron matutukan ang away sa Olympics.