Gipadayag sa Black Eyed Peas founding member nga si Apl.de.Ap ang iyang gugma sa Pilipinas ug sa mga Pilipino pinaagi sa iyang bag-ong kanta sa three-track EP nga “PPP.”
Nakigtambayayong siya sa Filipino rock icon nga si Bamboo alang sa usa sa mga kanta sa EP, nga iyang gihulagway isip personal nga musical tribute alang sa iyang nasud.
Sa music video, gipakita ang pipila ka hagit nga giatubang sa mga Pilipino sama sa pagbaha, apan gipakita usab ang mga Pilipinong nakahatag og garbo sa nasud, lakip ang mga atleta.
Usa pa sa mga kanta nga “Turn Around” nagpakita usab sa iyang kauban sa Black Eyed Peas nga Filipina nga si J. Rey Soul.
Matod ni Apl.de.Ap, ang iyang mga kanta usa ka pamaagi sa pagpahayag sa iyang gugma sa kultura ug katawhang Pilipino, samtang nag-awhag usab siya sa mga Pilipino nga magtinabangay ug dili mahadlok sa pagpahayag sa ilang tingog.
