Gitapos sa China ang kampanya sa Pilipinas sa women’s doubles tennis sa 20th Asian Games nga gihimo sa Aichi-Nagoya, Japan human pildihon nila Jiang Xinyu ug Yang Zhaoxuan ang Filipina tandem nga sila Alex Eala ug Shaira Rivera sa straight-set victory, 7-5, 6-2.
Nahimong dikit ang panagsangka sa unang set diin nagbinayloay og puntos ang duha ka pares. Apan nakakuha og momentum ang Chinese duo sa ulahing bahin sa set aron makuha ang unang set, 7-5.
Sa pagsugod sa ikaduhang set, nakapakita og nindot nga mga rally ang duha ka pares, apan nasakmit sa China ang momentum sa ulahing bahin sa dula ug gitapos ang laban, 6-2.
Kini ang ikaduhang dula nila Eala ug Rivera sa women’s doubles human nila pildihon ang Hong Kong pair nga sila Lai Ching Laam ug Kallista Liu, 6-1, 6-3, sa opening round.
