-- ADVERTISEMENT --
Viral karon sa social media ang usa ka estudyante nga nagkabayo padulong sa iyang tulunghaan ning dakbayan sa Heneral Santos
Giila kini nga si Jeric Catinan Arcibal, lumad nga taga Sultan Kudarat ug estudyante sa usa ka pribado nga kolehiyo sa lungsod.
Matud pa nga sukad pagkabata anad na kini sa pagsakay og kabayo.
Gihimo niya kini nga alternatibo tungod sa taas nga presyo sa gasolina, aron makatipid sa iyang adlaw-adlaw nga pamasahe.
Daghang motorista ug lumalabay ang nabilib ug na-inspire sa iyang lahi nga paagi sa pagbiyahe.
Ang aksyon ni Jeric nagpamatuod nga bisan sa kalisod, posible gihapon makakita og praktikal nga solusyon basta adunay determinasyon.
