Dul-an sa 400 milyon ka mga bata sa tibuok kalibutan ang nakasinati og grabeng pagdisiplina – UNICEF

Giingong nakasinati og mapintas nga pagdisiplina ang dul-an sa 400 milyon nga bata sa tibuok kalibotan sulod sa ilang panimalay.

Mao kini ang resulta sa pagtuon nga gihimo sa UN Children’s Fund o kon UNICEF.

Ang maong mga bata ubos sa 5 anyos diin nag-antos sa dili maayong pagtratar, pisikal ug psychological nga disiplina sama sa pagbunal, insulto, ug uban pa.

Lakip sa mga sikolohikal nga pag-abuso nga gikonsiderar sa UNICEF mao ang pagsinggit sa mga bata ug pagtawag kanila nga tapulan ug bugo.

Samtang ang pisikal nga pag-abuso naglakip sa pagkulata, pagsagpa, ug uban pang paagi sa pagpasakit sa mga bata.

Diin 300 milyon niini nakasinati og pisikal nga silot.