GENERAL SANTOS CITY – Magpatabang ang kapulisan sa Tambler kang Police Major Rafael Banggay ang hepe sa Tupi Municipal Police station aron mahibaw-an kung adunay record sa presento ang mga biktima sa pagpamusil kagahapon.
Kini ang gihimo sa kapulisan sa Tambler luyo nga nagsugod na pagkuha ug ilhanan kadtong duha ka lalaki nga nagsakay sa itum nga motor nga namusil sa mga biktima.
Nakiglambigit usab ang kapulisan sa syudad sa Maasim Municipal Police station kalabut sa aktibidad sa mga biktima gawas sa pagpangaligo.
Kahinumduman nga patay sa pagpamusil ang mga biktima nga silang Johnrey Samad banto ug Sari Aminola Kalamonggi samtang mga samad naangkon sa duha pa ka biktima nga silang Ressan Alawadin Uday ug Rasid Uday nga pulos nga residente sa Purok1, pali-an Tupi South Cotabato, pauli na matud pa ang mga biktima sakay sa D Max pick-up nga may plate number CAB 4153 apan dihang miabut sa Purok Darusalam Bawing ning syudad gisundan matud pa sa mga suspek ug gipangpusil .
Pagkahuman sa krimen paspas nga mipahilayo sa lugar ang itum nga motorsiklo nga gisakyan sa mga suspek.
