GENERAL SANTOS CITY – Nagdugang sa pagmuntar og CTTV camera isip kabahin sa security measures nga gipatuman sa mga otoridad alayon sa Tuna Festival sa dakbayan.
Matud pa ni Paris Ayon, ang assistant director sa TunaFest 2017 nga gawas sa sulod sa Oval Plaza, may gitaud usab nga tag usa ka CCTV camera sa may bahin sa Pendatun Avenue og Roxas Avenue luyo nga gisiraduhan isip kabahin sa pagpatuman sa seguridad.
Gibutyag ni Ayon, kumpara miaging tuig, mas daghang police personnel nga gi-deploy karon sa Tuna Fest gawas sa mga sundalo og uban pang force multipliers aron mutabang sa pagbantay.
Giangkon ni Ayon nga ‘pinaka-challenging’ sa ilang bahin isip organizer ang preparastyon alang sa seguridad tungod sa peace and order condition.
Kahibaluan nga ilawom gihapon ang Mindanao sa martial law.
Naningkamot gihapon ang lokal nga panggamhanan sa dakbayan og sila nga organizer nga madayon gihapon ang kasaulogan.
Kini aron pasalamatan ang dakong natampo sa mga mananagat, fishing companies, og sa tanan sa paglambo sa tuna industry sa dakbayan kon sa nagpabiling giila nga ‘Tuna Capital of the Philippines’.
