Nagpadayon ang Department of Trade and Industry o DTI General Santos sa regular nga inspeksyon ug pag-monitor sa mga Christmas lights ug uban pang ‘ electrical products’ karong nagkaduol ang panahon sa Pasko.
Sumala kang Elyka Agan, Senior Trade-Industry Development Specialist sa Consumer Protection Division sa DTI GenSan, kabahin kini sa regular nga pagmonitor sa ahensya aron masiguro ang kalidad ug kaluwasan sa mga produktong gibaligya sa merkado.
Dili lamang presyo ug suplay sa mga produkto ang gisusi sa DTI, kundili apil usab kung kini ba nakasunod sa mga standard nga gipatuman sa gobyerno.
Matag bulan gihimo sa ahensya ang maong monitoring, diin ang pinakabag-o nga inspeksyon gipahigayon niadtong miaging semana.
Bisan pa man nga wala pa kaayo daghang nagbaligya og Christmas lights sa pagkakaron, gipahinumdoman na sa DTI ang mga negosyante nga siguruhong sertipikado ug nakasunod sa saktong standards ang ilang mga produkto
