GENERAL SANTOS CITY – Duha ka anggulo ang ginasundan sa kapulisan kalabut sa babaye nga nakaplagan nga anaa na sa advance state of decomposition nga gilabay sa kasagbutang bahin sa reformville, Calumpang ning syudad.
Matud ni Police Major Robert Fores, hepe sa Calumpang Police Station nga posebling kalambigitan sa Illegal drugs ug love triangle.
Giangkon sa Opisyal nga mangilngig ang pagpatay sa biktima nga si Gina Guilaran 38 anyos nga gihiktang ang li-og ug tiil samtang nakabalot ug masking tape ang tibuok ulo nga gisulod ug celluphane.
Ang biktima ang nagabaligya ug itlog ug residente sa pacman village, Purok Quilantang, Calumpang ning syudad.
Gikadugang niini nga nahinabi niini ang bana ug miangkon nga gagamitan sila ug Illegal drugs kauban sa asawa dungan sa pag-angkon nga kanhi na nasikop sa kapulisan tungod sa paggamit ug druga.
Nasulti usab sa bana nga adunay gikarelasyon nga laing lalaki ang iyang asawa. Hinuon dili pa masulti sa kapulisan nganong usa ka semana nga nawala ang biktima wala magpa blotter sa kapulisan ang bana.
Gituhuan usab nga sa usa ka lawak gipatay ang biktima tungod nakuha sa crimescene ang sako nga gisudlan, comforter, trapo, floormat, bedsheet ug uban pa.
