GENERAL SANTOS CITY – Kustudiya gihapon sa kapulisan sa Maasim, Sarangani province ang driver sa pickup truck nga nakabangga ug traysikol nga gikamatay sa tulo ka sakay niini.
Kini human gibutyag ni Police Major Herman Luna sa Maasim Municipal Police Station nga kustudiya sa iyang presento si Jayleen Kinatay, 36 anyos nga residente sa Sito Asnalang, Tinoto, Maasim.
Matud ni Major Luna nga ilang kasuhan ang driver ug reckless imprudence resulting to multiple homicide human namatay silang Jomar Pelon, Erwin Pelon, ug Loreto Zamora pulos molopyo sa nahisgutang lugar.
Ang tulo ang sakay sa pedikab nga maneho sa nagpangalan ug Gregorio Pelon nga pauli na unts gikan sa pagpangaligo sa usa ka beach resort.
Una matud pa nga mipauli ang pick-up apan mibalik kini ug nakatagbo ang pedikab ug didto nahitabo ang insidente pasado alas dos sa kaadlawon.
Gumikan sa kakusog sa impact nalagpot ss mga singkwenta metros ang pedikab nga nagresulta sa pagkalabay sa mga biktima.
Nadala pa sa tambalanan ang mga biktima apan gideklara nga dead on arrival.
Gawas sa tulo may laing duha pa ka biktima nga naa sa hospital nga naa sa talandugon nga kahimtang .
