GENERAL SANTOS CITY – Nagpadayon ang imbestigasyon sa Makar Police Station kalabot sa reklamo sa usa ka sikad driver kalabutan sa pagkapatay sa dos anyos nga anak human matud pa nakakaon ug uyap nga may sagul nga karne.
Kini human mireklamo ang nagpangalan ug Joner Pagikan, 37 anyos, taga-Lower Labangal ning dakbayan.
Gikabutyag nga Nagbutyag nga miaging adlaw iyang gisugo ang anak sa pagpalit ug sud-an.]
Pagbalik matud pa sa iyang anak, dala niini ang uyap nga may sagul nga karne ug mao usab ang ilang gisud-an sa panihapon.
Apan human matud pa ug panga-on misakit ang tiyan sa iyang asawa, anak nga si Cris, dos anyos ug Grace, tres anyos.
Gilayon matud pang gidala sa tambalanan apan nadeklara nga dead on arrival ang dos anyos niini nga anak samtang nahospital ang laing anak ug ang iyang asawa.
Kahinumduman nga kagahapon pa nagpatala sa Makar Police Station ang reklamanate.
