JUST IN | Gipagawas dayon sa Department of Justice (DOJ) ang pahayag bahin sa warrant of arrest nga gi-isyu sa Quezon City Regional Trial Court batok kang Vice President Sara Duterte.
Sumala kang DOJ Spokesperson Atty. Polo Martinez, girespeto sa DOJ ang desisyon sa korte nga nagdumili sa mosyon sa Bise Presidente nga mapugngan o ma-withdraw ang warrant of arrest batok kaniya.
Ang kampo ni Vice President Sara Duterte kaniadto mihangyo sa korte nga ipahunong o dili na ipadayon ang pag-isyu sa warrant of arrest nga may kalabotan sa iyang giatubang nga kaso nga grave threats.
Sa resolusyon nga gipagawas niadtong Septiyembre 4, 2026, giingon sa Branch 98 sa Quezon City Regional Trial Court nga adunay probable cause aron ipasaka sa korte ang kaso batok sa Bise Presidente alang sa pagtaral sa tulo ka counts sa grave threats.
Tungod niini, gimando sa korte ang pag-isyu sa warrant of arrest batok kang Vice President Sara Duterte.
Sa pahayag sa DOJ, ilang gibutyag nga ilang girespeto ang ruling sa korte ug padayon nilang tumanon ang prinsipyo sa rule of law o pagmando sa balaod.
