Gibarugan sa Department of Justice o DOJ nga si Pangulong Ferdinand “Bongbong” Marcos Jr. lamang ang adunay “immunity from suit” o proteksyon batok sa pagsang-at og kaso.
Sumala kang DOJ Secretary Fredderick Vida, ang maong proteksyon alang lamang sa pangulo sa nasod ug dili apil niini ang bise presidente sa Pilipinas.
Nagpabilin ang posisyon sa DOJ niini nga isyu, diin gipadayag sa kalihim nga base sa balaod, walay “immunity from suit” ang bise presidente.
May kalabotan sa “immunity from suit” sa usa ka impeachable officer, gipahayag sa kalihim nga gidala na kini ni Vice President Sara Duterte ngadto sa Korte Suprema.
Matud niya, adunay pending nga petisyon ang bise presidente sa Kataas-taasang Hukuman kabahin niini, apan nagpabilin gihapon ang naunang posisyon sa DOJ.
