Gipasalig sa Department of Health (DOH) nga luwas kan-on ang baboy taliwala sa gitaho nga mga kaso sa African Swine Fever (ASF) sa gitawag nga Lechon Capital of the Philippines, ang La Loma sa Quezon City.
Sa usa ka pahayag, gipasabot sa DOH nga ang ASF dili mapasa sa mga tawo gikan sa mga baboy, busa dili kini hulga sa panglawas sa tawo ug luwas gihapon nga kan-on ang baboy.
Sumala sa DOH, ang mga baboy mahimong magdala sa ASF gikan sa mga baboy nga nataptan o kontaminado nga pagkaon. Matod niya nga ang tanang baboy nga nataptan sa ASF sa ngadto-ngadto mamatay ug ang sakit dili mapasa sa mga tawo.
Bisan pa niini, gipahinumdoman sa ahensya ang publiko nga lutoon pag-ayo ang karne aron malikayan ang bisan unsang sakit.
Mahinumduman nga ang gobyerno sa Quezon City kaniadto nagmando sa pagsira sa 14 ka lechonas sa La Loma human daghang mga baboy ang nagpositibo sa ASF. Gihimo na ang pagdis-impeksyon sa mga apektadong tindahan sa lechon.
