Gipasalig sa Department of Energy (DOE) nga hingpit nang nagpatuman og mga lakang aron mabalik dayon ang suplay ug serbisyo sa kuryente sa mga rehiyon nga grabeng naapektuhan sa bagyong Opong.
Sa usa ka pahayag kaniadtong Sabado, ang ahensya miingon nga daghang on-grid power plants ang mibalik na sa operasyon, lakip ang BACMAN Units 1–3 sa Albay ug Sorsogon nga may kapasidad nga 133 megawatts (MW), ug ang Palayan Binary Plant sa Albay nga may kapasidad nga 28 MW.
Pero, ang Nabas 2 Wind Farm sa Aklan nga may kapasidad nga 13.8 MW nagpabilin nga non-operational.
Matod sa DOE, siyam ka mga diesel power plant (DPP) ubos sa National Power Corporation (NPC) Small Power Utilities Group ang nag-operate na. Bisan pa, ang pipila nga mga linya sa pag-apod-apod nagpabilin nga dili magamit, sama sa 3 DPPs nga naka-standby tungod sa nadaot o dili-functional nga distribution lines, 32 DPPs anaa usab sa production apan walay operational DLs, ug 14 DPPs ang nag-operate usab uban sa DLs.
Samtang, sa transmission side, tulo ka 69kV transmission lines sa Marinduque, Oriental Mindoro, ug Occidental Mindoro ang partially restored operations, samtang ang Masbate 69kV line naka-standby pa.
Samtang, nibalik na sa normal ang transmission services sa Luzon ug Visayas human sa restoration sa Batangas-Taysan 69kV TL ug Calbayog-Allen 69kV TL.
Ang DOE padayon usab nga nagmonitor sa 32 ka electric cooperatives (ECs) sa 27 ka probinsiya sa 10 ka rehiyon.
Matod sa DOE, moabot sa 27 ka EC ang adunay partial power interruptions
Gidugang niini nga ang Task Force Kapatid nagpadala og 37 ka mga personahe gikan sa wala maapektuhan nga mga lugar aron motabang sa restoration.
