Disenyo sa gamiton nga barrier sa motorista gipaabot pa sa LT012

GENERAL SANTOS CITY – Nagapaabot pa ang Land Transportation Office (LTO) sa disenyo sa pagagamiton nga barrier alang sa pagsunod sa kamanduan sa Inter-Agency Task Force kalabutan sa paglikay sa coronavirus pandemic.

Kini ang gibutyag ni Macario Gonzaga, LTO-12 Regional Director.

Matud pa niini nga wala pay opisyal nga disenyo sa barrier luyo nga may gipakita na si DILG Sec. Edaurdo Año sa giingon nga model niini.

Hinuon gipaklaro ni Gonzaga nga dinhi sa rehiyon wala niini girekomenda ang standard nga porma apan ang importante kaniya nga adunay harang sa motorsiklo tunga-tunga sa driver og angkas.