Nagpahayag og kabalaka ang DepEd GenSan tungod sa sunod-sunod nga insidente sa kasamok sulod ug palibot sa mga eskwelahan sa dakbayan, lakip ang bag-ohay nga shooting ug stabbing incident.
Sumala kang Kenneth Carisma, Division Information Officer sa DepEd GenSan, gimandoan ang mga eskwelahan nga hugot nga ipatuman ang security protocols, lakip ang paggamit og metal detector ug mas estriktong pag-inspeksyon sa mga bag ug personal nga gamit sa mga estudyante, personnel ug bisita.
Gipakusgan usab ang seguridad sa perimeter fences ug access points aron mapugngan ang dili awtorisadong pagsulod sa mga school premises.
Padayon usab ang koordinasyon sa DepEd, PNP ug mga opisyal sa barangay alang sa dugang police visibility ug pagmonitor sa palibot sa mga eskwelahan._
