Gilugwayan sa Bureau of Internal Revenue (BIR) ang deadline sa pagbayad sa buhis sa mga distrito nga naigo sa habagat ug bagyo.
Ang bag-ong deadline naglangkob sa dagkong taxpayers service lakip ang mga apektadong awtorisadong ahente nga mga bangko ug tanang revenue district offices (RDOs) gawas sa RDOs 15 ug 16, RDO 22, RDO 79.
Ang deadline naglakip usab sa mga dokumento alang sa quarter nga mahuman sa Hunyo 30 sa kasamtangan tuig.
Kini mao ang pagsumite sa quarterly information sa mga overseas contract worker o OFWs Remittances nga exempted sa documentary stamp tax, filing o e-payment sa BIR Form 1600, pagsumite sa quarterly summary list sa halin, pagpalit o import sa usa ka VAT registered taxpayer, pagsumite sa sworn statement sa manufacturers o importers sa kada partikular nga produkto sa tobacco, sweets ug gidaghanon sa halin sa mga produkto. e-filing ug e-payment sa quarterly value-added tax return ingon man quarterly percentage tax return ug value-added tax return alang sa mga non-resident digital service providers.
Matod ni BIR Commissioner Romeo Lumagui Jr. nga nakasabot sila sa mga hagit nga giatubang sa mga magbubuhis taliwala sa dili maayong kahimtang sa panahon.
Matod niya nga kabahin sa ilang kampanya alang sa maayong serbisyo alang sa mga magbubuhis mao ang pagpaminaw ug pag-adjust sa reyalidad nga ilang giatubang ug giawhag nga unahon ang ilang pamilya ug mga minahal sa kinabuhi.
