Nagbilin og dakong kantidad sa damyos sa sektor sa agrikultura ang paghapak sa bagyong Julian sa Pilipinas.
Base sa damage assessment sa Department of Agriculture, miabot sa P36.34 million ang kantidad sa nadaut nga mga pananum sa 577 ektarya sa agricultural areas sa Ilocos region og Cagayan valley.
Apektado usab ang panginabuhian sa anaa sa 1,000 mag-uuma.
Isip tabang, giandam sa Department of Agriculture ng P143.26 million nga kantidad sa bugas, mga semilya sa mais og mga utanon nga ipanghatag sa mga apektadong mag-uuma.
Samtang, nakabantay usab ang ahensiya sa mga presyo sa mga agricultural commodities alang sa posibleng pagsaka taliwala sa damyos sa sektor sa agrikultura tungod sa halos sunud-sunod nga paghapak sa bagyo sa nasod.
Sa kasamtangan padayon gihapon nakasinati og dili maayong panahon sa pipila ka bahin sa nasud human subling misulod sa Philippine Area of Responsibility ang bagyong Julian sa Huwebes sa buntag.
