GENERAL SANTOS CITY-Isip pag-ila sa mga kabilin nga kontribusyon ni General Paulino Santos sa dakbayan, gipangunahan ni Mayor Lorelie G. Pacquiao ang Wreath Laying Ceremony dungan sa pagsaulog sa ika-86 anibersaryo sa GenSan ning adlawa sa Plaza Heneral Santos.
Sa iyang mensahe, gihingusgan sa Mayor Pacquiao ang lig-ong panaghiusa nga nahimong pundasyon sa paglambo sa syudad. Dugang niini nga angayang hinumdumon ang kasaysayan sa Gensan ug ilhon ang dakong kontribusyon ni General Paulino Santos sa dakbayan.
Lakip sa mga mitambong si Mr. Francisco “Tito” Santos, apo ni General Santos og pangulo sa Pioneers-Descendants of General Santos City, nagkadaiyang local agencies, local law enforcement units, mga opisyales sa syudad, civic organizations og daghan pa.
Sa wala pa misilak ang adlaw, gipahigayon sa Pioneer Avenue ang Parada ng Lahi kung asa gatusan ang mga partisipante gikan sa nagkdaiyang sektor, ahensya og departamento aron ipakita ang adunahang kultura, kasaysayan og panaghiusa sa mga katawhan sa General Santos City.
