GENERAL SANTOS CITY – Daghan sa mga tawo sa Amerika ang wala nakuntento sa desisyon ni US Pres. Joe Biden kalabutan sa nahitabo nga kagubot sa Ukraine.
Matud pa ni Bombo International correspondent Luisa Millone sa New Jersey sa Amerika nga kini gumikan usa ang ilang nasud nga wala nakauyon sa gihimo sa Russia sa Ukraine apan wala pa giundang ang importasyon sa produktong petrolyo.
Sa pamahayag ni Millone nga kada adlaw anaa sa 60 million tons kada bariles ang importasyon sa Amerika.
Gikadugang pa niini nga bisag undangon ang importasyon sa petrolyo kaya nila nga suportahan ang ilang konsumo gumikan may kaugalingon nga supply og may gas reserve.
Sumala pa ni Millone nga kung nagpahamtang og sanctions angayang hingpit nga ipatuman og walay exemptions.
Nasayran nga gi-freeze sa Amerika ang mga financial assets sa mga iladong mga personalidad sa Russia, gidid-an nga makaagi ang mga eroplano sa Russia sa ilang airspace og uban pa.
