Tumong sa Department of Agriculture nga mahuman ang pagbakuna sa mga baboy batok sa African swine fever o ASF karong tuiga.
Matod ni Agriculture Secretary Francisco Tiu Laurel Jr., ilang ipadayon ang pagbakuna karong tuiga aron sa sunod tuig, ang ilang buhaton mao ang repopulation o pagpadaghan sa binuhing baboy.
Matud pa ni Laurel, kung mobalik na ang pagsalig sa mga mag-uuma sa baboy sa pagbakuna batok sa ASF, magsugod na sila sa pagpamuhunan ug pagpasanay sa mga binuhing baboy dili lamang sa mga mag-uuma sa likod sa balay kondili lakip na sa mga commercial livestock farmers.
Sa pagkakaron siya miingon nga ang populasyon sa mga domestic nga baboy anaa sa 7 milyon, ug ang target mao ang pagpabalik niini sa miaging 14 ka milyon sa sunod tuig. Samtang, sumala ni Laurel, target usab nila nga makompleto ang pagpalit sa kinatibuk-ang 600 mil ka doses sa ASF vaccines sa buwan sa Disyembre o sa katapusan sa tuig.
Matod niya nga ilang gipaabot nga mahuman na ang pagbakuna sa unang 10 mil ka dosis sa asf vaccines sa katapusan ning buwana, samtang ang sunod nga 450 mil ka dosis iga-award sa Oktubre, diin makakuha sila og 150 ka doses ug ang uban mahuman sa Disyembre.
