Gipasalig sa Department of Agriculture (DA) nga andam ang tabang alang sa mga mag-uuma ug mananagat nga naapektuhan sa kusog nga pag-ulan tungod sa Bagyong Auring, nga hingpit usab nga nahanaw.
Sumala sa DA Disaster Risk Reduction Management Operations Center, igo na nga agricultural inputs ang gi-preposition nga mahimong iapud-apod sa mga mag-uuma nga mailhan nga posibleng maapektuhan.
Una na usab nga gitambagan sa ahensya ang mga mag-uuma ug mananagat sa paghimo og sayo nga pag-ani sa mga pananom ug pangisda kung gikinahanglan, bisan sa wala pa ang gipaabot nga pag-ulan tungod sa bagyo.
Sumala sa DA DRRM Operations Center, padayon nga ginamonitor ang sitwasyon sa mga mananagat og mga mag-uuma.
Gimonitor usab sa buhatan ang sitwasyon sa mga dagkong dam sa nasud taliwala sa kusog nga pag-ulan.
