Viral karon sa social media ang content creator nga si Ser Geybin o mas nailhan sa tinuod nga ngalan nga Gavin Capinpin, human siya malabigit sa alegasyon sa pagpangabit o cheating issue.
Nisamot ang kontrobersiya pipila lamang ka adlaw human siya nabalita nga naospital tungod sa giingong depression ug anxiety.
Sa mga nagkalat nga posts sa social media ug Reddit, daghang netizens ang nag-ingon nga adunay mga “resibo” o ebidensya batok kang Ser Geybin kalabot sa giingong relasyon niini sa laing babaye.
Usa ka netizen ang miingon nga posible umanong naka-trigger sa anxiety attack sa content creator ang giingong bag-ong karelasyon niini, samtang adunay uban nga nagduda sa tinuod nga rason sa iyang kahimtang.
Sa pagkakaron, wala pa makahatag og opisyal nga pahayag si Ser Geybin kabahin sa maong mga alegasyon nga nagpadayon gihapon nga gihisgutan sa social media.
