GENERAL SANTOS CITY – Gikumpirma ni Congressman Toto Suansing sa 2nd District sa probinsya sa Sultan Kudarat nga magpahigayon og congressional inquiry sa Lunes kabahin sa halapad nga smuggling sa agricultural products sa nasud.
Matud niini, nag-unang tumong sa pagpangutana nga madiskubre ang mga walay prinsipyong gimbuhaton sa mga opisyal og sakop sa Bureau of Customs og sa Department of Agriculture (DA), nga naghatag og dalan og nagpa-paspas sa halapad nga pagpalusot sa produktong agrikultura sa Pilipinas.
Base sa nahipos nilang mga data, ilang nadiskubre nga adunay discrepancy ang data sa Pilipinas kung itandi sa datos gikan sa China kabahin sa importasyon sa mga agricultural products.
Hinungdan nga gitawagan ang atensyon sa House ways and means panel sa pag isyu og subpoena batuk sa mga gipanganlan nga brokers, importers, og facilitators apil ang pipila ka kompanya nga konektado ang mga nasampit .
Ang maong inquiry wala lang nakatutok sa bombay apan apil sa uban pang agricultural products nga nagtaas na usab ang presyo sa merkado.
