Posibleng ipahigayon ugma, Mayo 17 ang proklamasyon sa mga manaaog nga senador og partylist sa natapos nga eleksyon.
Matud kang COMELEC Chairman George Erwin Garcia, ipahigayon ang proklamasyon sa Manila Hotel Tent City.
Gipaabot karon sa Comelec ang audit sa nakuha nga certificates of canvass aron iproklama ang 12 ka mga senador nga midaog sa 2025 midterm elections.
Ugma sa alas 3:00 sa hapon iproklamar na ang mga mananaog nga senador, samtang nagpaabot na lang sila sa pormal nga rekomendasyon sa supervisory committee.
Kini base usab sa ranking nga ilang gipagawas diin matag mananaug tugotan nga makadala og 15 ka indibidwal. Ang matag Comelec Commissioner moapil sa proklamasyon samtang sa Lunes (Mayo 19, 2025), gikatakdang iproklamar ang mga mananaog nga party-list.
Dugang pa ni Garcia nga nalipay ang COMELEC sa resulta sa voters’ turnout, diin 82.20%, bugti sa 57,350,968 ka botante gikan sa 69,673,658 nga nagparehistro.
