Laing suspek nga giingong nalambigit sa kasong qualified trafficking in persons batok kang kanhi Presidential Spokesperson Atty. . Harry Roque ug Cassandra Ong ang nasikop sa Pampanga
Giila ang suspek nga si “Mariano,” usa sa 49 ka kaubang akusado nila ni Roque ug Ong.
Matod sa Criminal Investigation and Detection Group (CIDG), nasikop si Mariano sa Clark, Pampanga niadtong Sabado. Si Mariano usa sa mga security guard nga nag-duty dihang nahitabo ang giingong trafficking sa Lucky South 99 Outsourcing Inc., usa ka Philippine Offshore Gaming Operator (POGO) sa Porac, Pampanga.
Gitambagan ni CIDG Director Police Major General Nicolas Torre III ang ubang mga kauban nga akusado nga mo-surrender tungod kay ang mga tracker team nagpadayon sa ilang operasyon sa pagpangita kanila.
Kahinumduman nga ang mga warrant of arrest batok kang Roque, Ong, ug uban pa nga nalambigit sa krimen giisyu sa Regional Trial Court sa Angeles City niadtong Mayo 15, 2024.
Sa sayo pa niadtong Mayo 22, si “Marlon,” laing kaubang akusado, nadakpan usab sa entrapment operation sa Mabalacat City, Pampanga.
Samtang gihimakak ni Roque ang mga pasangil kay wala pa gyud siya nahimong abogado sa bisan unsang ilegal nga POGO ug dili siya abogado sa Lucky South 99. Sumala pa niya nga giubanan lang niya og tigom si Ong kay nagtuo siya nga biktima siya sa estafa.
Si Roque kasamtangang nangita og asylum sa Netherlands
