Girekomenda ni kanhing Senador Antonio Trillanes IV ang pagpangulo sa imbestigasyon sa nahitabong pagpamusil sa Senado niadtong gabii sa Miyerkules, Mayo 13, sa National Bureau of Investigation (NBI) ug Criminal Investigation and Detection Group (CIDG).
Sumala kang Trillanes, adunay kapasidad ug mga kahinguhaan ang maong mga opisina aron magpahigayon og lawom nga imbestigasyon sa tinuod nga nahitabo.
Bisan pa man nga ang mga ahente sa NBI mao usab ang kabahin sa mga nipusil, giingon niya nga makasalig gihapon sa maong opisina sa paghimo og imparcial nga imbestigasyon, uban sa tabang sa CIDG—gikan sa forensic report hangtod sa pag-ila ug pag-imbestiga sa mga nahitabo sa wala pa, samtang, ug human sa pagpamusil.
Giingon usab niya nga walay kapasidad ang Office of the Sergeant-at-Arms sa paghimo og imbestigasyon kung kini ang ipahimo sa Senado.
Nagtuo usab ang kanhing senador nga kinahanglan adunay manubag sa nahitabong pagbiya ni Senador Ronald Dela Rosa gikan sa Senate premises bisan pa nga siya anaa sa Senate custody.
Lakip niini, sumala niya, si Senate President Alan Peter Cayetano, ang Office of the Sergeant-at-Arms, ug uban pang nakahibalo sa hingpit nga pagbiya sa senador.
