Midumili ang Philippine National Police (PNP) nga maghatag og komento bahin sa giingong hangyo ni Senador Ronald dela Rosa nga magpabilin siya sa Camp Crame human sa insidente sa pagpamusil sa Senado niadtong Miyerkules, Mayo 13.
Una nang gibutyag ni Senate Acting Sergeant-at-Arms Mao Aplasca nga giingon nga mihangyo ang senador kang PNP Chief Gen. Jose Melencio Nartatez Jr. kon mahimo ba siyang magpabilin sa usa ka kwarto sa national police headquarters.
Sumala sa PNP spokesperson nga si Brig. Gen. Randulf Tuaño, sa karon, dili pa sila magkomento bahin sa maong isyu.
Sa kasamtangan, giila sa International Criminal Court (ICC) si Dela Rosa isip co-perpetrator sa crimes against humanity may kalabotan sa war on drugs sa miaging administrasyong Duterte.
Matod pa, nagsilbi si Dela Rosa isip PNP chief gikan 2016 hangtod 2018.
