GENERAL SANTOS CITY – Giagi pa ug ginukdanay pinaagi sa pagdagan hangtud sa paglangoy sa dagat una nasikop ang suspek nga midunggab sa sakop sa Civilian Volunter Organization.
Kini human nagpahigayon ug hot pursuit operation ang sakop sa Pendatun Police aron madakpan ang suspek nga makahimo pa pagdagan.
Napugos pagpusil ang kapulisan sa nagpangalan ug Mark John Amasan Soñer 25 anyos walay trabaho nga taga Calumpang ning dakbayan human nagpagukod kini sa kapulisan.
Gikumpirma ni Police Chief Instr. Juvenson Bayona sa Pendatun Police station nga nakaangkon ug igo sa likod ang suspek hinungdan nga gidala sa tambalanan.
Kagabii matud pa nagpahigayon ug Oplan Sita ang kapulisan kuyog sa biktima nga si Teodoro Reyes 57 anyos dihang gidunggab sa suspek.
Gipahunong matud pa sa biktima ang suspek apan kalit kining nanunggab.
Unang gibutyag sa nagpangalan ug Jomer Trago usa ka construction worker nga residente sa Silway Sta Cruz nga buot dunggabon sa suspek hinungdan nga midagan.
Nahitabo ang insidente alas syete pasado sa gabii diha sa Silway Sta Cruz.
Nakuha gikan sa suspek ang onse pulgada nga kutsilyo nga gihuptan karon sa kapulisan.
