Kidapawan mihatag og tabang sa Gensan, duha ka water tankers gipadala alang sa apektadong komunidad

GENSAN- Gipadayag ni Mayor Lorelie Geronimo Pacquiao ang iyang sinsero nga pagpasalamat sa mga residente sa Kidapawan City, sa Kidapawan LGU, ug sa Kidapawan Water District tungod sa ilang dinaliang tabang.

Nagpadala sila og duha ka water tankers aron mosuplay og limpyo nga tubig sa mga komunidad nga grabeng nanginahanglan.

Personal nga nasaksihan sa dakbayan ang padayon nga operasyon sa Purok 17, Barangay Mabuhay diin daghang residente ang nakabenepisyo sa serbisyo.

Gisaad sa lokal nga panggamhanan nga padayon nilang tutukan ang panginahanglan sa katawhan ug masiguro ang suplay sa limpyo nga tubig sa tanang apektadong lugar.