-- ADVERTISEMENT --
Makasinati ang mga pasahero sa mga domestic ug international flights og gamay nga pagkunhod sa ilang mga gasto human ang Civil Aeronautics Board (CAB) mipaubos sa passenger fuel surcharge ngadto sa Level 12 gikan sa Level 13.
Sa usa ka pahibalo kagahapong adlawa ang CAB miingon nga ang Level 12 fuel surcharge epektibo gikan sa Hunyo 16 hangtod 30, human sa miaging Level 13 nga gipatuman gikan sa Hunyo 1 hangtod 15.
Ubos sa Level 12, ang fuel surcharge para sa mga domestic flights gikan sa P389 hangtod P1,137, samtang para sa mga international flights, kini gikan sa P1,284.40 hangtod P9,550.13.
Ang fuel surcharge usa ka lahi nga bayad gikan sa base fare nga gipahamtang sa mga airline aron mabawi ang gasto sa jet fuel.
