Nakatala ang Bureau of Fire Protection (BFP) og 53 ka mga patayng lawas sa ikaupat nga adlaw sa nagpadayon nga response and retrieval operations niini karung adlawa, Hunyo 11 human sa magnitude 7.8 nga linog nga miigo sa Mindanao.
Sumala sa tigpamaba sa BFP nga si Supt. Anthony Arroyo, ang uban sa mga narekober nga patayng lawas gipailalom pa sa validation samtang ang mga awtoridad nagpadayon sa pagtino sa ilang mga identidad.
Ang gidaghanon sa mga patayng lawas nga nakuha gikan sa mga biktima sa linog mas taas kaysa sa opisyal nga datos nga 45 ka namatay sa National Disaster Risk Reduction and Management Council (NDRRMC) nga gipagawas kagahapon adlawng Miyerkules.
Sa pagkakaron, ang BFP nagpadayon sa pagpangita ug retrieval efforts niini sa Region 12 diin ang mga yunit niini gikan sa ubang mga rehiyon gipadala usab aron sa pag-augment sa mga lokal nga responder.
Ang BFP karon ubos sa Code Red Alert sa Rehiyon 11 ug 12, uban sa kapin sa 3,000 ka mga personahe niini nga naka-full alert alang sa humanitarian, rescue ug evacuation operations.
