GENERAL SANTOS CITY – Gi-kwestyon ni Vice Mayor Rosalita Nuñez si Dr. Emilio Gargaran ang OIC sa City Veterinary Office atul sa pag-atubang niini sa Konseho atul sa ikaduha nga Regular Session. Kini kalabutan sa pagtugot sa syudad nga makasulod ang mga baboy nga gikan sa mga lugar nga positibu sa African Swine Fever. Matud ni Dr. Gargaran nga ila lamang gisunod ang kamandu-an ni Gensan Mayor Lorelie Pacquiao pinaagi sa Executive Order NO. 1. Matud niini nga tugutan ang entry sa mga baboy kung makapakita og negative result sa PCR test apan ang nahisgutang mga baboy ang ideretso sa pantalan sa Makar ug dili sa mga ihawanan sa Syudad.
Ang kwestyon matud pa ni Nuñez kay positibu sa African Swine fever ang lugar nganong pasudlon dinhi sa syudad nga nagpabilin nga ASF free?
Nasuta ang gikonsidera nga red zone ang mga lugar sa Banga, Surallah, T’boli area lakip ang Koronadal City sa South Cotabato samtang pink zone usab ang Tupi og green ang Polomolok .
