GENERAL SANTOS CITY – Gisiguro ni City PNP Director Col. Jomar Alexis Yap nga luwas ug protektado sa kapulisan ang mga media practitioner sa dakbayan.
Kini human sa nahitabong pagbisita sa mga taga PNP sa pipila ka mga media personnel sa kauluhan aron kuhaon ang ilang personal nga impormasyon sa panimalay ug trabaho apan wala maghatag ug pasiunang advisory nga gika-alarma sa mga nahisgutan.
Hinuon, gipaklaro ni Col. Yap nga wala silay nadawat nga taho nga adunay media practioner sa Syudad ang gikuhaan ug personal information sa mga kapulisan.
Gisiguro usab niini nga kung magpahigayon man sila sa susamang operasyon, magpagawas una sila ug advisory.
Samtang naglaom usab kini nga maggpabilin ang maayong relasyon tali sa kapulisan ug mga media practioners sa Syudad.
