GENERAL SANTOS CITY – Posibleng matud pang mupasaka ug kaso si Mary ann Tan Bacar, labaw sa City Housing and Land management Office sa Secretary General sa Kadamay tungod sa mga libelous nga pamahayag batok kaniya.
Atol sa programang Good Morning Philippines kagahapon, hugtanong gipanghimakak ni Bacar ang alegasyon sa maong grupo nga gibulsa matud pa niya ang napagawas nga P30million og 10 hectares sa luna nga gihatag matud pa ni Vice President Leni Robredo.
Gibutyag ni Bacar nga baseless kon walay basehan ang pasangil sa maong grupo kon asa giklaro nga ang P30 million ang gikan sa Dream Fund nga kinahanglan pa ug otorisasyon sa Sangguniang Panglungsod aron nga hingpit ng mapalit ang luna nga anaa sa 10 hectares nga gipanag -iyahan ni Col. Pendatun sa Lanton Apopong.
Hugot usab nga gipanghimakak ni Bacar ang akusasyon sa grupo nga siya nakapanguwarta sa mga pamilyang apektado sa demolisyon sa Zone 2-B Brgy. Bula.
Gitambagan ni Bacar ang wala na niini gipanganlan nga secretary general sa Kadamay nga mukuha og TRO aron mapugngan ang demolisyon.
Sa pahayag niini, posebling sa unang semana sa Abril ipahigayon na ang demolisyon sa Zone 2 B Bula kon asa maapektuhan ang 59 ka pamilya kon asa 21 lang ang maka-avail sa relocation site tungod kwalipikado sa UDHA
