GENSAN – Tulo ka adlaw bag-o ang bag-ong tuig , nagpahimangno ang City Health Office sa tanang residente bahin sa risgo sa fire-related injuries ug sa kahinungdanon sa paspas nga pagtambal niini.
Sumala ni Dr. Lalaine Calonzo sa City Health Office, ang mga tawo nga maangkon og kadaut tungod sa pabuto kinahanglan dayong mudangop sa mga hospital aron malikayan ang seryosong komplikasyon sama sa tetanus, infection, o bisan sa kamatayon kung grabe ang kadaut.
Gipahibalo usab ni Dr. Calonzo nga ang Dr. Jorge P. Royeca Hospital sa dakbayan andam na para sa pag-atiman sa mga pasyente sa tibuok holiday season.
Dugang pa, aduna usab mga Rural Health Unit (RHU) sa matag barangay nga nag-andam sa paghatag og tambal ug pangunang tabang sa lokal nga komunidad.
Ang City Health Office nag-awhag usab sa publiko nga magmatngon sa paggamit sa mga fireworks, labi na sa mga bata ug mga lugar nga daghan ang tawo, aron malikayan ang disgrasya
