GENSAN – Hugot nga ipatuman ni Mayor Lorelie Pacquiao ang pagdili sa paggamit sa Facebook ug uban pang social media apps sa oras sa trabaho sulod sa City Hall sa General Santos City.
Ang mando gitumong sa tanang empleyado sa lokal nga gobyerno aron masiguro ang disiplina, produktibidad, ug epektibong serbisyo publiko.
Matod ni Mayor Pacquiao, nadawat nila ang daghang report nga adunay mga empleyado nga mas daghan pa ang oras sa cellphone kaysa sa ilang trabaho.
.Gipahimangnoan ang tanang department heads nga muhimo og internal monitoring ug ipatuman ang disiplina sa ilang tagsa-tagsa ka buhatan.
Seryoso ang mayor sa pagpatuman niini ug adunay posibilidad nga maapektuhan ang rating o performance evaluation sa mga masakpan nga maglapas.
Gibuksan gihapon ang posibilidad nga magamit ang Facebook kung kini may kalabutan sa opisyal nga trabaho, apan kinahanglan kini og pagtugot gikan sa supervisor.
