GENERAL SANTOS CITY – Buot karon ni City Councilor Franklin Gacal Jr. nga bakwion sa Sangguniang Panglungsod ang concurrence o pagtugot nga gihatag sa Small Town Lottery o STL nga mag-operate sa siyudad.
Atul sa iyang privilege speech, gihingusgan ni Kag. Gacal nga daghang mga terms and agreement nga wala gituman inay gisupak sa Trento Gaming and Leisure Corporation.
Gawas niini, aduna usab matud pay mga STL outlets ang anaa duol sa simbahan lakip na sa eskwelahan.
Wala usab matud pa gituman ang minimum wage ang sweldo ug comission alang sa mga empleyado sa STL. Dugang pa ni Gacal nga wala pa nakapagawas ug executive order ang mayor alang sa pag-operate sa STL.
Samtang ang usa sa samot nga wala nauyonan niini gumikan walay transparency sa kita sa STL, hinungdan nga dili ma-monitor ang siyudad kung pila ang mahimong share sa dakbayan.
Samtang gihingusgan sa ubang mga magbabalaod nga sayron una kung unsa ang aksyon sa city mayor may kalabutanan sa maong hisgutanan nga may bayolasyon sa pag-operate sa STL sa siyudad.
Kahinumduman nga igo lamang gitangtang ni Kag. Gacal ang iyang dextrose human na-admit sa hospital, arona lamang makagawas ug mutambong sa sesyon kagahapong adlawa.
