Nagpagawas ug statement ang Chinese Embassy sa Maynila gikan sa wala gipanganlan nga tigpamaba sa Chinese Foreign Ministry.
Kung asa gisaway sa Chinese official ang mga nahimong pahayag ni Pangulong Ferdinand Marcos Jr. sa natapos nga Shangri-La Dialogue ug gitawag kining pagbalewala matod pa sa kasaysayan ug kamatuoran.
Gihingusgan pa niini nga adunay ‘indisputable sovereignty’ ang China sa Nanhai Zhudao ug aduna matud pa kini katungod sa soberenya ug hurisdiksiyon sa relevant waters.
Sakop sa Nanhai Zhudao nga usa ka China-made concept ang mga isla sa Paracels ug Spratlys o ang 9 dash line, butang nga gibasura sa 2016 Arbitral Award nga miila usab sa maritime entitlements ug katungod sa soberenya sa Pilipinas.
Gihingusgan usab sa wala gipanganlan nga tigpamaba sa China Foreign Ministry nga ang Pilipinas matod pa ang milapas sa mga saad ug gahimo ug mga probokasyon sa dagat, luyo pa sa sunod-sdunod nga mga harassment nga gihimo sa ilang China Coast Guard batok sa mga sakayang pangdagat sa Pilipinas gamit ang water cannon ug mga delikadong maniobra.
Gisaway usab sa China ang suporta sa Amerika sa Pilipinas.
Kahinumduman, sa 21st International Institute for Strategic Studies Shangri-La Dialogue sa Singapore, gihingusgan ni Pang. Marcos ang commitment sa iyang administrasyon alang sa pakigbisog sa soberaniya sa Pilipinas ug pagpanalipod sa atong teritoryo taliwala sa mga hagit sa WPS.
