Mipirms ang China ug ang Association of Southeast Asian Nations (ASEAN) og usa ka gipalapdan nga kasabutan sa free trade agreement nga gihulagway ni Chinese Premier Li Qiang nga usa ka alternatibo sa mga “protectionist policies” sa administrasyon ni US President Donald Trump.
Sa ASEAN-China summit, si Li miingon nga ang mas suod nga kooperasyon makatabang sa pagbatok sa mga kawalay kasiguruhan sa ekonomiya sa kalibutan ug kinahanglan nga malikayan ang “confrontation” nga iyang giingon nga walay kapuslanan, usa ka pagsaway sa US.
Apan si Presidente Ferdinand Marcos Jr. nagpahayag og mga pagduhaduha, nga nagpasiugda nga ang kooperasyon “dili mahimong inubanan sa pagpugos,” labi na samtang ang tensyon tali sa Pilipinas ug China sa West Philippine Sea nagpadayon.
