Magsilbi nga prosecutor sa kaso ni kanhi Pangulong Rodrigo Duterte silang Chief Prosecutor Karim Khan og deputy prosecutor Mame Mandiaye Niang.
Ang prosecution team nga pangunahan sa duha ka banggiitan nga prosecutor ang muatubang sa defense team sa kanhi pangulo dungan sa gipaabot nga pagdagan sa pagdungog sa iyang kasong crimes against humanity sa International Criminal Court (ICC).
Si Khan ang responsable para makakuha og arrest warrant batok kang Duterte, Russian President Vladimir Putin, og Israeli Prime Minister Benjamin Netanyahu.
Ang tulo ka mga lider pulos nag-atubang sa crimes against humanity apan bugtong si Duterte pa lamang ang nadakpan ug anaa sa kostudiya niini.
Si Niang usab ang kanhing mihupot sa mga senior position sa judicial system sa Senegal.
Gihuptan niini ang halapad nga kasinatian ilawom sa sistema sa United Nations og mihupot sa nagkadaiyang posisyon sa International Criminal Tribunal for Rwanda (ICTR), og Regional Representative of the United Nations Office on Drugs and Crime in Southern Africa.
Nagsilbi usab siya isip Judge sa Appeals Chamber sa International Criminal Tribunal para sa nasod Yugoslavia og International Criminal Tribunal for Rwanda.
Una nang gitakda sa ICC ang confirmation hearing sa kaso ni Duterte sa Setyembre-23, 2025.
