Mikabat sa P234.9 million ang natigum sa kagamhanang dakbayan sa Sugbo atol sa pag-host niini sa Palarong Pambansa 2024 sa nakalabay nga bulan sa Hulyo 2024.
Kini ang gipamahayag ni Cebu City Acting Mayor Raymond Alvin Garcia atol sa press conference niini sa Cebu City Hall kagahapong adlawa sa Lunes, Agosto 12.
Subay sa Appropriation and Expenditures, sa pag-host sa Palaro, gikan sa P405.9 million nga approved budget diin P200 million gikan sa City Annual Budget ug ang nahabiling P205.9 million gikan sa napasar nga Supplemental Budget No. 1, miabot lang sa P171 million lang ang nagasto diin P148.029 million ang nakuha sa Annual Budget ug P23 million sa Supplemental Budget No.1.
Kini nagpasabot nga nakatigum ang dakbayan sa kapin sa P51.971 million sa pundo gikan sa Annual Budget ug P182.974 million sa pundo gikan sa Supplemental Budget No.1.
Gipasigarbo usab sa Acting Mayor nga bisan sa savings na nabuhat sa dakbayan, wala nakomprimiso ang kalidad sa talagsaong pag-host sa Palarong Pambansa.
