Pinaagi sa usa ka makasaysayanong higayon, nasakmit sa usa ka atletang Pinoy ang duha ka bulawang medalya sa usa ka edisyon sa Olympics.
Kini pinaagi kang Carlos Edriel Yulo dihang iyang gidomina ang Men’s Gymnastics Vault category pinaagi sa pagtala sa puntos nga 15.166.
Kahinumdoman nga iyang nasakmit ang unang gold medal sa Floor Exercises category.
Ang garantisado nga makuha nga insentibo ni Carlos Yulo human masakmit ang unang gold medal, pagadoblehon kini tungod sa pagkasakmit sa ikaduhang Gold medal sa 2024 Paris Olympics.
Sumala sa balaod, 10 million pesos ang ihatag gikan sa gobyerno bugti sa usa ka gold medal. Buot ipasabot, mamahimo na kining 20 million pesos gumikan sa duha ka gold medal nga nadaug ni Yulo.
Wala pay anunsiyo kung pagadoblehon ba usab ang tulo ka million ka pesos gikan sa house of representatives, Condo-unit, Brand new Car, ug House and Lot.
Nasayran nga una ng gianunsiyo ang pipila ka mga premyo nga ihatag kang Yulo sama sa mga mosund:
Unlimited Airfare, Unlimited Gasoline, Fast Food Commercial, 1 Franchise sa big fast food company business, Endorsements, Vikings Lifetime Free Buffet ug daghan pa.
